วันนี้ เครือออนแวะเอายำใบเมี่ยงกับน้ำเมี่ยงที่ร้านของจันทร์เพ็ญไปให้ ‘อิงดาว’ เพื่อนสนิทคนหนึ่ง ซึ่งทำงานเป็นพยาบาลอยู่โรงพยาบาลประจำอำเภอ
“เห็นว่าอยากกิ๋น เลยแวะเอามาหื้อ จากร้านของอ้ายป๋างกับแม่ที่เคยเล่าหื้อดาวฟังน่ะ”
“ยินดีนัก ๆ จ้าออน”
“บ่าเป๋นหยัง ฮู้แหละว่าช่วงนี้ดาวยุ่งขนาด ทั้งเรื่องงาน และเรื่องส่วนตั๋ว”
“อื่อ ! ยุ่งแต๊ ๆ ถ้าบ่าได้ออนช่วยจัดก๋ารหลายอย่าง คงแย่แน่เลย”
“บ่าต้องห่วงนะ อรช่วยเต๋มที่อยู่แล้ว วันก่อน ขับรถตระเวนผ่อหลายที่ เก็บรูปไว้เยอะเลย แต่ขอสำรวจอีกสองสามที่ แล้วจะส่งรูปหื้อดู”
“ฝากออนช่วยดูตวยเน่อ ช่วงนี้ งานโรงบาลก่นักขนาด แถมยังต้องสลับกั๋นออกไปที่ศูนย์ฉีดวัคซีนที่วัดพระธาตุฯ ตึงวันตวย”
“ออนออกไปไหนมาไหนบ่อยอยู่แล้ว เดือนก่อนที่หยุดไปเพราะน้าใจ๋แพ้วัคซีน จ๋นเป๋นไข้หนาวสั่น ใจ๋สั่นจ๋นต้องนอนโฮงยาสองคืน”
“ต๋อนนี้น้าใจ๋โอเคละน่อ”
“อือ! น้าใจ๋โอเคแล้ว แต่แม่ออนก่แพ้วัคซีน ผมหล่นเป๋นหย่อม ๆ ออนก่เล็บเปราะหักง่ายขนาด น่าจะเพราะวัคซีนแหละ แต่ช่วงนี้ก่โอเคแล้วนะ”
“โชคดีว่าคนทางบ้านเฮาบ่าเป๋นหยังนักเหมือนคนที่อื่น ๆ เนาะ” อิงดาวปลอบใจเพื่อน ก่อนจากกัน เครือออนย้ำให้เพื่อนสบายใจอีกครั้ง
“ดาวบ่าต้องห่วงนะ ครั้งที่ตระเวนถ่ายรูปโฆษณาเสื้อผ้าเมืองร้านน้าใจ๋ ดาวไปช่วยเต๋มที่ เป๋นนางแบบหื้อตั้งหลายหน ทำหื้อเสื้อผ้าขายดีขนาด ผ้าซิ่นยกดอกล่ะปูนที่ดาวช่วยเป๋นนางแบบ ขายหมดเกลี้ยงทุกหน ผ้าทอไทลื้อ ก่ขายดิบขายดีมาถึงทุกวันนี้”
“ยินดีนักๆ จ้า”
“ช่วงนี้ แม่ก๊าคนงาม เลยขายของม่วนเลยเนาะ” ดาวอดหยอกเพื่อนไม่ได้
“ก่ค่อยยังชั่วหน่อย เริ่มขายของออนไลน์ม่วน ๆ แบบอี้ ทำหื้อเริ่มนึกว่าบ่าต้องไปเป๋นแอร์แล้ว เรื่องทำงานตวย แอ่วไปตวย บ่าต้องก่ได้ วันหน้าค่อยหาโอกาสเก็บตังค์ไปแอ่วเนาะ”
“แม่น ถ้าค้าขายแล้วม่วน อีกหน่อยก่ทำอย่างอื่น ๆ ได้หลายอย่าง ภาษาอังกฤษออนก่ดีขนาด ต่อยอดได้อีกเยอะแน่นอน”
“ไปก่อนเน่อ จะต้องเอาของเข้าไปที่ร้าน วันนี้น้าใจ๋หยุด แกเฝ้าร้านตลอด ส่งของเข้าร้านแล้ว ออนว่าจะออกไปสำรวจสถานที่ถ่ายรูปทั้งวัน”
ระหว่างทางที่ขับรถเข้าเมือง เมื่อเห็นเมฆฝนบางเบาห่มคลุมดอยสุเทพเขียวครึ้ม เครือออนจอดรถข้างทาง ลงไปถ่ายรูปวิวงามด้านหน้า แหงนมองไล่เรื่อยขึ้นสู่ท้องฟ้าสีครามเข้ม จนอดถ่ายรูปฟ้าสดงามไม่ได้ เมฆขาวบางเบา เสมือนม่านบางพลิ้ว ห้อมล้อมฟ้าแจ่มงามตรงกลางให้เข้มครามยิ่งขึ้น อดนึกเปรียบเทียบกับฟ้ามืดมัวด้วยห่มคลุมของควันพิษเมื่อช่วงหน้าร้อนที่ผ่านมาไม่ได้ หนาทึบอึมครึม เสมือนฟ้าถูกปิดทับด้วยมนตร์ดำฉ่ำพิษ
…
ติดตามเรื่องราวและร่วมเอาใจช่วยการเดินทางในความสัมพันธ์ของ ป๋าง และ เครือออน พร้อมกับไปท่องสำรวจวิถีชีวิต ทำความรู้จักกับสถานที่ต่าง ๆ ในเชียงใหม่ ผ่านร่องรอยความทรงจำของหนุ่มสาว ผ่านนิยายขนาดสั้นทั้งหมด 10 ตอน พบกันตั้งแต่วันที่ 7-16 มกราคม 2024 เวลา 15.00 น. ที่ Lanner
ทีมข่าวที่ประกอบไปด้วยผู้คนหลากหลาย บ้างก็มาจากทะเล บ้างก็มาจากผู้เขา แต่สุดท้ายก็ลงเอยที่ภาคเหนืออยู่ที่ Lanner นี่แหละ...
- Lanner Editorhttps://www.lannernews.com/author/editor-lanner/
- Lanner Editorhttps://www.lannernews.com/author/editor-lanner/
- Lanner Editorhttps://www.lannernews.com/author/editor-lanner/
- Lanner Editorhttps://www.lannernews.com/author/editor-lanner/
